Сумдын онцгой комисст цахимаар үүрэг чиглэл өглөө

Аймгийн Засаг даргын орлогч дарга, Онцгой комиссын орлогч Ч.Ганбат, Онцгой комиссын орлогч дарга, Зүүн бүсийн төв Дорнод аймгийн Онцгой байдлын газрын дарга хурандаа Г.Нармандах, аймгийн Засаг даргын тамгын газрын Төрийн захиргаа Удирдлагын хэлтсийн дарга У.Уранбилэг нар сумдын Онцгой комисстой цахим уулзалт хийж, ой хээрийн түймрээс урьдчилан сэргийлэх талаар үүрэг чиглэл өглөө.
1. Аймгийн Засаг даргын албан даалгаьарт заагдсан “Салхины хурд 9 м/c-ээс дээш хүрэхэд гамшгийн бэлэн байдалд шилжиж, түймэр унтраах бүлгийн бэлэн байдлыг хангах” чиглэлийг мөрдөх,
2. Зэргэлдээ суманд түймэр гарсан үед томоохон хэмжээний талбай шатахаас урьтаж, хамтран ажиллах,
3. Онцгой байдлын байгууллагын Гал түймрийн Улсын хяналтын байцаагчийн салхи шуурга эхлэх талаарх урьдчилсан мэдэгдлийн хүрээнд зохион байгуулалтын арга хэмжээг авч хэрэгжүүлэх. Мэдэгдлийн дагуу бэлэн байдал хангаагүй тохиолдолд хариуцлага тооцох,
4. Цаг агаарын аюултай үзэгдлийн мэдээг малчид, иргэдэд цаг алдалгүй хүргэж байх,
5. 2025 оны 03 дугаар сарын 19-ний өдрөөс 7 хоногийн хугацаатай Гал түймэр унтраах аврах нэгжгүй,онцгой байдлын байгууллагагүй сумдад гал түймрийн Улсын туслах хяналтын байцаагч нарыг ажиллуулах, цаг агаарын аюултай үзэгдэл үүсэх тохиолдолд 3 удаа 7 хоногоор томилон ажиллуулах,
6. Хогийн цэгээс түймэр гарах эрсдэлийг таслан зогсоож ажиллах,
7. Гамшгаас хамгаалах өндөржүүлсэн бэлэн байдлын зэрэг буурах хүртэлх хугацаанд гал түймрийн аюулаас урьдчилан сэргийлэх чиглэлээр хариуцлагатай ажиллах,
8. Сумын Засаг дарга нар ямар ч үед гамшгийн үеийн танилцуулга мэдээллийг газрын зурагт зураглал хийж ажилладаг байх,
9. Түймрийн хохирлын хэмжээг сумдын Онцгой комисс шуурхай тогтоож, малын сэг зэм устгах ажилд хяналт тавьж ажиллах,
10. Аймгийн Хөдөлмөр, халамж, үйлчилгээний газар, сумын Засаг даргын тамгын газар хамтарч түймэрт өртсөн зарим өрхийг малжуулах төсөлд хамруулахдаа эргэн төлөх нөхцөлийн талаар үнэн зөв ойлголтыг иргэдэд өгч ажиллах.
11. Байгаль хамгаалах чиг үүрэг бүхий сав газруудын хариуцсан нутаг дэвсгэрт гал түймрээс урьдчилан сэргийлэх ажлын хэсэг томилох талаар тус тус мэдээлэл өглөө.
Мөн цаг үеийн нөхцөл байдалтай холбоотой дараах үүрэг чиглэл өглөө
1. “Хөдөлмөрийн аюулгүй байдал,эрүүл ахуйн тухай хуулийн хэрэгжилт”-ийг хангаж ажиллах.
2.Тэрбум мод үндэсний хөдөлгөөний бэлтгэл ажлыг эхлүүлж, үр өгөөжтэй зохион байгуулахад анхаарах, сум дундын ойн ангиас мэргэжил арга зүйн зөвлөгөө авч ажиллах,
3.”Шинэ сэргэлтийн бодлого” хөдөөгийн сэргэлт зорилтын хүрээнд хэрэгжүүлэх арга хэмжээг эрчимжүүлэх, төв, суурин газраас шилжин ирж буй айл өрх, аж ахуйн нэгж, байгууллагыг бүртгэж, судалгаа мэдээллийг нь нэгтгэн бүх талаар дэмжиж ажиллах.
4.Иргэд, аж ахуй нэгж, иргэдээс ирсэн хүсэлт болон өргөдөл гомдлыг шуурхай шийдвэрлэх, үйл ажиллагааг цахимжуулах,олон нийтэд мэдээллийг ил тод мэдээлэх чиглэлээр анхаарч ажиллах,
5.Үер усны аюулаас урьдчилан сэргийлэх,сэрэмжлүүлэг мэдээллийг оновчтой зохион байгуулах,
6.Улаан бурхан, гахай хавдар, улаанууд өвчнөөс урьдчилан сэргийлж дархлаажуулалтыг эрчимжүүлэх,
7. Гудамж талбайн гэрэлтүүлэг, камерын ажиллагаанд хяналт тавих,
8.Сургуулийн дотуур байрны орчинд үе тэнгийн дээрэлхэлтэд өртөхөөс урьдчилан сэргийлэх, орчны эрсдэлийн үнэлгээ хийх, стандартыг хэрэгжүүлж, Хүүхдэд ээлтэй орчин бүрдүүлж ажиллахад анхаарахыг Сумын Засаг дарга нарт даалгалаа.