Түймэрт өртсөн малын сэг зэмийг устгаж байна

Хөлөнбуйр сумын хэмжээнд түймэрт өртсөн 29 малчин өрхийн 5126 толгой малын сэг зэмийг цуглуулах 2 ажлын хэсэг, сэг зэмийн нүх ухах булж устгах 1, нийт 25 хүний бүрэлдэхүүнтэй гурван ажлын хэсэг ажиллаж өнөөдрийн байдлаар 1255 толгой (1210 бог, 45 бод) малын сэг зэмийг цуглуулж устгаад байна.
Булган сумын хэмжээнд засмал зам дагуу гал түймэрт өртсөн 27 малын сэг зэмийг цуглуулж, устгалын арга хэмжээг энэ сарын 11-ний өдөр 1 ачааны машин, 1 суудлын машин, 6 ажлын хэсэгтэйгээр бүрэн хийж дуусгалаа.
Аймгийн Онцгой комиссоос сэг зэм устгалын ажилд 2025 оны 3 дугаар сарын 15-наас “ТОУУ” ХХК, “Дорнын мөнгөн хийц” ХХК, “Дорнод Нийтийн аж ахуй”ОНӨААТҮГ-ын 2 экскаватор, 1 шланз машиныг ажиллуулж, аймгийн Мал эмнэлгийн газраас нэг удаагийн халдвар хамгааллын хувцас 50ш, халдваргүйтгэлийн бодис Ханкон 20 кг, 100 кг хлорын шохой, Мал эмнэлгийн ерөнхий газраас 45 айл өрхөд малын эм бэлдмэл, хүнсний багцыг хуваарилан олгоод ажиллаж байна.