Дорнод аймгийн мэдээллийн сайт

Сүүлийн 24 цагт Дорнод аймагт дөрвөн удаа түймэр гарлаа

27908361_1945178332464726_8481268563926236135_o

Өчигдөр Дорнод аймагт ахуйн хүрээний гал түймэр ихтэй байлаа.

Хэрлэн сумын 8 дугаар багийн Төмөр замын Баянтүмэн тасгийн хэрлэн өртөөний хашаанд гүүрэн өөрөө өргөгч машины бүхээгний хэсэг шатаж байна гэсэн дуудлагыг 05.14-ний өдрийн 04:06 цагт хүлээн авсан. Тус аймгийн Онцгой байдлын газрын Гал түймэр унтраах, аврах 52 дугаар ангийн алба хаагчид 7 км зам туулан 04:13 цагт очиж 20 минут ажиллаж унтраасан.

Баян-Уул сумын Улз багийн “Шинэст” хорооллын 1 дүгээр гудамжинд иргэн М-ын 3х10 метрийн хэмжээтэй малын хашаа шатаж байна гэсэн дуудлагыг 05.13-ны өдрийн 16:33 цагт хүлээн авсан. Тус аймгийн Онцгой байдлын газрын Баян-Уул сум дахь Гал түймэр унтраах, аврах 53 дугаар ангийн алба хаагчид 2 км зам туулан 16:36 цагт очиж 50 минут ажиллаж унтраасан.

Хэрлэн сумын 8 дугаар багийн Баяннуур хорооллын 9 дүгээр гудамжинд иргэн С-ын 10х25 метрийн хэмжээтэй малын хашаа шатаж байна гэсэн дуудлагыг 05.13-ны өдрийн 22:06 цагт хүлээн авсан. Тус аймгийн Онцгой байдлын газрын Гал түймэр унтраах, аврах 52 дугаар ангийн алба хаагчид 7 км зам туулан 22:14 цагт очиж, 1 цаг ажиллаж унтраасан байна.

Түүнчлэн  Матад сумын Мэнэн багийн “Мэнэн” гэдэг газар /аймгийн төвөөс зүүн зүгт 170 км-т, сумын төвөөс зүүн хойд зүгт 150 км-т/ хээрийн түймэр гарсан тухай дуудлагыг 05.13-ны өдрийн 23:45 цагт хүлээн авсан. Тус аймгийн Онцгой байдлын газар, Хилийн 0306 дугаар ангийн алба хаагчид хээрийн түймрийг унтраахаар ажиллаж 05.14-ний өдрийн 03:00 цагт унтраасан гэж ОБЕГ мэдээллээ.

Dornod.NET таалагдсан бол Лайк дараарай. Баярлалаа

Та юу гэж бодож байна?

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

*