Ажлын зар хэвлэж авдаг цахим машин суурилуулав

Аймгийн Орон нутгийн хөгжлийн сангийн хөрөнгөөр Ажил хайгч иргэдэд зориулан ажлын байр зарласан бүртгэлтэй ажил олгогч байгууллагын мэдээллийг авах боломжтой “Цахим бирж” мэдээллийн 6 ширхэг тоног төхөөрөмжийг өнөөдөр буюу 2019 оны 7 дугаар сарын 18-ны өдөр аймгийн Засаг даргын хэрэгжүүлэгч агентлаг Хөдөлмөр, халамжийн үйлчилгээний газарт хүлээлгэн өглөө. Үүнээс 3 төхөөрөмжийг нь хүн ам ихээр суурьшсан Баян-Уул, Дашбалбар, Халхгол суманд байршуулахаар төлөвлөжээ.

“Цахим бирж” нь Хөдөлмөр, халамж үйлчилгээний ерөнхий газрын www.limis.gov.mn, www.jobnet.mn систем буюу Хөдөлмөрийн зах зээлийн нэгдсэн санд холбогдсон бөгөөд ажил хайгч иргэд, аж ахуйн нэгж, байгууллагад зарлагдсан ажлын байрны тухай мэдээллийг аймгийн Засаг даргын дэргэдэх Хөдөлмөр, халамжийн үйлчилгээний газарт очих шаардлагагүйгээр цаг хугацааг хэмнэн, цаасаар хэвлэн авах боломжтой. Уг төхөөрөмж нь монгол хэл дээр тул иргэд хэрэглэхэд хялбар юм.