Дошин дээрээ атаман бай - Дорнод.НЭТ | Зургаа дахь жилдээ

Судалгаагаар Хэрлэн, Улз голын ус бохирдолтой гарчээ

Аймгийн ЦУОШГ-ын Байгаль орчны шинжилгээний лаборатори Дорнод аймгийн нутгаарх гол мөрний усны химийн найрлага, чанарын үзүүлэлтэд хийсэн ажиглалтаар Хэрлэн, Улз голын ус бохирдолтой гарчээ.

2018 оны 8 дугаар сард хийсэн  Дорнод аймгийн гадаргын усны шинжилгээний дүнг бохирдлын гол үзүүлэлтүүдээр MNS4586-98 усны чанарын стандарттай харьцуулан 1 дүгээр хүснэгтэд үзүүллээ.

Хэрлэн голын хяналт-шинжилгээний 1- 4дүгээр чиглэлийн 4  цэгээс сорьц авсан усны химийн найрлага, чанарын үзүүлэлтүүдийг тодорхойллоо. Шинжилгээний дүнгээс үзэхэд голын усны эрдэсжилт 274-326 мг/л Үүнээс  Хэрлэн- 2, 4-р чиглэлийн усны  нитритийн ион,  Аммони ионы  агууламж  нь ХА-аас давж бохирдсон байна.

Улз голын усны Улз- Баян-Уул, Улз-Эрээнцавын хяналт-шинжилгээний 2 цэгээс сорьц авч, усны химийн найрлага, чанарын үзүүлэлтүүдийг тодорхойллоо. Улз голын усны эрдэсжилт 388-698мг/л байна. Улз- Баян-Уул, Улз-Эрээнцав хяналтын цэгийн фторийн  агууламж   ХА-аас давсан байна.

Халхголын усны   Халх гол Сүмбэр дээд, Сүмбэр доод, Баянхошуу, Буйр-Халхгол хяналт-шинжилгээний 4 цэгээс сорьц авсан усны химийн найрлага, чанарын үзүүлэлтүүдийг тодорхойллоо. Голын усны эрдэсжилт 145-289 мг/л-т хэлбэлзэж, усан дахь хялбар исэлдэх органик бодис болон эрдэс азотын ХА-аас давсан тохиолдол ажиглагдаагүй байна голын ус цэвэр байлаа.

Буйр нуурын Буйр-Загасны үйлдвэр хяналт шинжилгээний цэгээс сорьц авч, усны химийн найрлага, чанарын үзүүлэлтүүдийг тодорхойллоо. Энэ үед нуурын усны эрдэсжилт 248 мг/л ба  ХА-аас давсан тохиолдол ажиглагдаагүй байна.

Дүгнэлт:

Дорнод аймгийн гадаргын усны 2018 оны 8 дугаар сарын хяналт-шинжилгээний дүнгээс үзэхэд Улз-Эрээнцавын усны эрдэсжилт 698 мг/л-т, хэлбэлзэж фторийн ион нь давсан байна.  Хэрлэн- 2, 4-р чиглэлийн усны  нитритийн ион, Аммони ионы  агууламж ХА-аас давсан байна. Бусад голын усны эрдэсжилт 145-388мг/л-т хэлбэлзэж  MNS4586-98 усны чанарын стандартаас давсан тохиолдол ажиглагдаагүй байна.

ДОРНОД АЙМГИЙН  УС ЦАГ УУР ОРЧНЫ ШИНЖИЛГЭЭНИЙ АЛБАНЫ

БАЙГАЛЬ ОРЧНЫ ШИНЖИЛГЭЭНИЙ ЛАБОРАТОРИ

Мэдээг сошиалд түгээх:
Dornod.NET таалагдсан бол Лайк дараарай. Баярлалаа

Холбоотой мэдээ

Та юу гэж бодож байна?

Хүн бүр үзэл бодлоо илэрхийлэх эрхтэй. Харин таны эрх, эрх чөлөө бусдын эрхээр хязгаарлагдахыг бүү мартаарай.

*