Дошин дээрээ атаман бай - Дорнод.НЭТ | Зургаа дахь жилдээ

Зүүн бүсийн оюутны холбоо бүтэц зохион байгуулалтаа өөрчлөв

Дорнод аймагт оюутан залуусын нэрээр хаягласан олон арван холбоо, төрийн бус байгууллага бий.

Монголын Залуучуудын холбоо л гэхэд Дорнод аймгийг хамаарсан хоёр салбар зөвлөлтөй бөгөөд нэг нь Дорнод аймагт, нөгөө нь Улаанбаатар хотод байрладаг. Мөн Дорнодын Оюутан Залуучуудын нэгдсэн холбоо, Зүүн бүсийн оюутан залуучуудын холбоо болон МАН-ын дэргэдэх НАМЗХ, АН-ын дэргэдэх Ардчилсан залуучуудын холбоо, МАХН-ын дэргэдэх Ардчилал шударга ёс МЗХ-дын Дорнод дахь салбарууд нэмэгдэнэ.

 

Тэдний нэг болох Зүүн Бүсийн Оюутны Холбоо /ЗБОХ/ III чуулганаа өичгдөр Дорнод Политехник коллеж дээр зохион байгуулав. Чуулганд Монголын оюутны Холбооны Дэд ерөнхийлөгч Н.Санчирбаатар, Нарийн бичгийн дарга Б.Жигжид, ЗБОХ-ны Тэргүүн Г.Анхбаяр, Дорнод Их сургууль, Дорнод Политехник коллеж, Дорнод, Хэнтий, Сүхбаатар аймгийн МСҮТ-ийн төлөөлөл нийт 70 гаруй төлөөлөгч оролцсон байна.

Чуулганаар Дорнод аймгийн Засаг дарга, Зүүн бүсийн зөвлөлийн дарга М.Бадамсүрэнг Зүүн Бүсийн Оюутны Холбооны Ерөнхийлөгчид 100 хувийн саналаар сонгон баталж, холбооны тамга, тэмдгийг гардуулав.

IMG_0179

/Зүүн Бүсийн Оюутны холбооны Ерөнхийлөгч, Дорнод аймгийн Засаг дарга, Зүүн бүсийн зөвлөлийн дарга М.Бадамсүрэн/

Холбооны шинэ Ерөнхийлөгч, Монгол орны маргаашийн хувь заяа оюутан залуустай салшгүй холбоотойг онцлон, Зүүн бүсийн оюутны холбооны нэрийг өндөрт өргөж,  оюутнуудын эрх ашиг, тэднийг хөгжүүлэхэд бодлогын түвшинд дэмжиж ажиллахаа илэрхийллээ.

Чуулганаар Тэргүүн дэд ерөнхийлөгчөөр Г.Анхбаярыг томилж, бүтэц зохион байгуулалтын асуудлыг хэлэлцэн баталлаа. Г.Анхбаяр нь тус холбоог байгуулагдсан цагаас нь эхлэн Дэд тэргүүнээр зургаан жил, Тэргүүнээр сүүлийн таван жил ажилласан туршлагатай залуу аж.

Мөн чуулганы үеэр холбооны жилийн ажлын тайланг танилцуулж, илтгэлийн уралдаанд шалгарсан оюутнуудыг өргөмжлөн, МОХ-ны дээд шагнал Манлайлагч оюутан, Манлайлагч залуу алтан медалиар дөрвөн оюутныг шагнаж, урамшуулав.

ЗБОХ-нь 2005 онд бүсийн анхны холбоо болон байгуулагдаж байжээ. Өдгөө 5000 оюутнаар эгнээгээ тэлж өргөжин оюутан залуусын эрх ашиг, дуу хоолой болж, тэдний хөгжил дэвшлийн төлөө ажилладаг аж.

IMG_0135

/Зүүн Бүсийн Оюутны Холбооны Тэргүүн дэд ерөнхийлөгч Г.Анхбаяр/

IMG_0156

/Илтгэлийн уралдааны шагнал гардуулав/

IMG_0165

/МОХ-ны дээд шагнал Манлайлагч оюутан, Манлайлагч залуу алтан медальт оюутнууд/

2

IMG_0184

/Хяналтын зөвлөл, Нарийн бичгийн дарга нарыг сонгов/

IMG_0196

/Дурсгалын зураг татуулав/

Мэдээг сошиалд түгээх:
Dornod.NET таалагдсан бол Лайк дараарай. Баярлалаа

Холбоотой мэдээ

Та юу гэж бодож байна?

Хүн бүр үзэл бодлоо илэрхийлэх эрхтэй. Харин таны эрх, эрх чөлөө бусдын эрхээр хязгаарлагдахыг бүү мартаарай. Сэтгэгдэлтэй холбоотой санал, гомдлыг 8090-4799 утсаар хүлээн авна.

*