Дорнод аймгийн мэдээллийн сайт

Дорнод аймагт бөхийн таван төрлийн хөшөө бий боллоо

4a7e7129e50b27e815f7b77e02397d7d_x3

Бөхийн нэрт зүтгэлтэн, Монгол Улсын гавьяат дасгалжуулагч, улсын начин Г.Пүрэв-Очирын санаачилгаар таван бөхийн төрлийн хөшөөг боржин чулуугаар урлан Дорнод аймгийн Цагаан-Овоо сумыг нэрлэсэн уулын оройд байршуулжээ. Тэрбээр өөрийн тоонот нутаг Цагаан-Овоо уул дээрээ “Бөхийн үндэсний хүрээлэн” байгуулах гэж байгаа бөгөөд уг үйл хэргийнхээ хүрээнд дээрх хөшөөг байршуулсан байна.

Тус хүрээлэн нь мод, зүлэг бүхий цэцэрлэгт талбайтай байх бөгөөд ус худагны асуудлыг Цагаан-Овоо сумын засаг дарга Т.Баярмагнай шийдэхээр болсон аж.

Г.Пүрэв-Очир Дорнод аймагт зонхилон амьдардаг халх, буриад, барга, үзэмчин, самбо бөхийн боржин хөшөөг буриад бөхийн дууны шүлэгтэйгээр зарим нөхрийнхөө хамт “Боржин суварга” ХК-д захиалан бүтээлгэжээ.

Тэрбээр “Бөхийн үндэсний хүрээлэн” төслөө гурван жилийн өмнө санаачилсан бөгөөд өмнөх “Дөрвөн угсаатны бөхийн спортын соёлыг хөгжүүлэх” төсөл нь найм дахь жилдээ амжилттай үргэлжилж байна.

Dornod.NET таалагдсан бол Лайк дараарай. Баярлалаа

Та юу гэж бодож байна?

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

*