Шинэ хоршоо хөдөлгөөний зүүн бүсийн нээлт Дорнод аймагт зохион байгуулагдав.
Зүүн бүсийн нээлтийн үеэр Хүнс, хөдөө аж ахуй, хөнгөн үйлдвэрийн сайд Х.Болорчулуун малчид хамгаалагдсан аж ахуйг хоршиж эрхлэх бүрэн боломжтойг онцоллоо.
Одоогоор зүүн аймгууд Дорнод аймагт 46, Сүхбаатар аймагт 47, Хэнтий аймагт 47 мал аж ахуйн хоршоо байна.
Малчид хоршоо байгуулан ажилласнаар малын гаралтай түүхий эдээ ченжээр бус биржээр дамжуулж үндэсний үйлдвэрлэгчдэд төдийгүй гадаад оронд экспортлох боломжтой болох юм.
Нэг толгой малд ноогдох орлогоор Дархан-Уул аймаг 216 мянган төгрөгөөр тэргүүлж байгаа ба зүүн бүсийн аймгуудад 85-116 мянган төгрөг байна.
Малчдын тогтвортой орлогыг нэмэгдүүлэх зэрэг эдийн засгийн олон өсөлттэй Шинэ хоршоо хөдөлгөөний хүрээнд “Шинэ хоршоо -Чинээлэг малчин” арга хэмжээг 5 жилийн хугацаанд хэрэгжүүлэх юм.