Дорнод аймгийн хэмжээнд төгсөх ангийн 32 бүлгийг 830 сурагч төгсөж, бүрэн дунд боловсролын гэрчилгээгээ гардан аваад байна. Тодруулбал энэ жил аймгийн хэмжээнд 802 хүүхэд элсэлтийн ерөнхий шалгалтад оролцох бол үүнээс 703 энэ оны төгсөгч, 99 нь өмнөх жилийн төгсөгч байна.
Энэ жилийн элсэлтийн шалгалтыг тогтсон зарчмаар буюу монгол хэл, англи хэл, физик, математик, орос хэл, биологи, түүх, нийгэм судлал, газар зүй, хими гэсэн 10 хичээлээр 07 дугаар сарын 04-07 ны өдрүүдэд зохион байгуулна.
Орон нутгийн зүгээс сурагчдын сурлагын чанарт анхаарч олон төсөл, хөтөлбөр хэрэгжүүлдэг. Үүний үр дүнд Улсдаа ЭЕШ-ын оноогоор эхний байруудад шалгарсаар байна. Тухайлбал 2017, 2018 онд тэргүүн байр, 2020 онд тавдугаар байр, 2021 онд дөрөвдүгээр байр, 2022 онд дэд байр, 2023 онд тавдугаар байр тус тус эзэлж, 46 сурагч 800 оноо авч дээд амжилт үзүүлсэн билээ.
Долдугаар сарын 4
10:00-11:20 цаг: Түүх
13:00-14:20 цаг: Англи хэл
Долдугаар сарын 5
10:00-11:40 цаг: Хими
13:00-14:20 цаг: Газар зүй
16:30-17:50 цаг: Нийгэм судлал
Долдугаар сарын 6
10:00-11:20 цаг: Биологи
13:00-14:40 цаг: Математик
15:30-16:50 цаг: Орос хэл
Долдугаар сарын 7
10:00-11:40 цаг: Физик
13:00-14:20 цаг: Монгол хэл