Дорнод, Хэнтий, Сүхбаатар аймгийн 50 сум, багийн залуу малчдын төлөөлөл цахилгаан хайчаар хонины ноос хяргах практик сургалтад хамрагдлаа. 

Залуучууд цахилгаан хайчаар ноос хяргахад анхаарах зүйлсийг мэдэж, хэрхэн зөв арга техникээр ажиллах дадлага хийж суралцсан байна. Үзүүлэх сургалтын үеэр цахилгаан машинаар 1 хонийг 1 минут 3 секундэд хяргасан бөгөөд цаг хугацаа хэмнэх, хөдөлмөр хөнгөвчлөх, малын тавлаг байдлыг хангах зэрэг олон давуу талтай юм. 

НҮБ-ын Хүнс, хөдөө аж ахуйн байгууллага, Хүнс, хөдөө аж ахуй, хөнгөн үйлдвэрийн яам хамтран “Залуу малчдын сургалтын тогтолцоог хөгжүүлэхэд дэмжлэг үзүүлэх” техник, хамтын ажиллагааны төсөл, “Дорнод Монголын хуурай хээрийн тогтвортой ландшафт, биологийн олон янзын байдлын хамгаалал”  төслийн хүрээнд энэ сургалтыг зохион байгуулжээ.