Дорнод аймгийн гол, нууруудын мөсний зузаан нэмэгджээ

Дорнод аймгийн судалгаатай нуур, голуудын мөсний зузааны тойм мэдээ

2025 оны 02 дугаар сарын 11-ний өдрийн байдлаар

Хэрлэн гол
Хэнтий нурууны ар, Зүүн хажуугаас усжих Хэрлэн голын мөсний зузаан нь Чойбалсан хотын орчмоор өмнөх арав хоногоос 9 см-ээр нэмэгдэж 81 см мөсөн бүрхүүлтэй, Хөлөнбуйр сумын орчмоор өмнөх арав хоногоос 7 см-ээр нэмэгдэж 79 см мөсөн бүрхүүл тогтсон байна. Энэ нь 2024 оны мөн үеэс 4-7 см-ээр зузаан мөсөн бүрхүүлтэй байна.

Улз гол
Голын уртын дагууд цаг уурын хэмжилтийн цэгүүдэд ёроолдоо хүртэл хөлдөж, мөсний зузаан нь Баян – Уул сум орчим 74 см, Дашбалбар, Чулуунхороот сумдын орчмоор 64-70 см байна. Энэ нь 2024 оны мөн үеийн мөсний зузаанаас 2-52 см-ээр нимгэн байна.

Халх гол
Их Хянганы нуруунаас эхтэй Халх голын мөсний зузаан нь Халхгол сум орчим өмнөх арав хоногоос 13 см-ээр нэмэгдэж 110 см, Ялалт баг орчим өмнөх арав хоногоос 12 см-ээр нэмэгдэж 97 см-ийн мөсөн бүрхүүлтэй байна. Энэ нь өмнөх оны мөн үеэс 11-24 см-ээр зузаан мөсөн бүрхүүлтэй байна.

Буйр нуур, Хөх нуурууд өмнөх арав хоногоос 1-4 см-ээр нэмэгдэж 85 см-ийн зузаан мөсөн бүрхүүлтэй, энэ нь 2024 оны мөн үеэс 16-35 см-ээр нимгэн байна.