Таны бэлэглэх гэж байгаа цэцэг юуг илэрхийлдэг вэ?

Цэцэг бүхэн  хайр, чин сэтгэл, хүндлэл гээд олон утга санааг илэрхийлдэг.  Хэрвээ хэн нэгэнд цэцэг бэлэглэх гэж байгаа бол таамгаараа сонголгүй түүний ард ямар утга агуулагдаж буйг харгалзан сонгох хэрэгтэй. Энэ удаагийн нийтлэлээр түгээмэл 10 цэцгийн утга санааг  сонирхъё.

Сарнай

Сарнай нь хайр, хүндлэл, хүсэл тэмүүлэлд зориулсан цэцэг юм. Сарнай бүрийн өнгө өөрийн гэсэн утга агуулдаг. Улаан сарнай нь хайр, аз жаргалтай амьдралыг илэрхийлдэг бол ягаан сарнай нь талархал, хүндлэлийг бэлэгддэг. Цагаан сарнай нь цэвэр ариун байдал болон шинэ эхлэлийг илэрхийлдэг. Харин  шар сарнай нь гэр бүл, нөхөрлөлд хүндэтгэлтэй байдлыг илэрхийлдэг.

Лили

Лили нь зөөлөн сэтгэл болон талархлыг илэрхийлдэг.  Ихэвчлэн ээж аав, гэр бүлтэй холбогддогт энэ цэцгийн бэлэгдэл оршдог. Цагаан лили нь зөөлөн сэтгэлийг илэрхийлдэг. Харин ягаан ба шар лили нь хүндлэл, урам зоригийг бэлэгддэг.

Хэнд өгвөл тохиромжтой вэ?

• Цагаан лили: Ээждээ өгөхөд хамгийн тохиромжтой.
• Ягаан лили: Талархал, хүндлэл илэрхийлсэн учир найз болон дотно хүмүүстээ.
• Шар лили: Шинэ зүйл эхэлж хүмүүст.

Наран цэцэг

Наран цэцэг нь эерэг хандлага, зөөлөн сэтгэл болон хайр сэтгэлийг илэрхийлдэг. Энэхүү цэцгийг ихэвчлэн аз жаргал, үнэнч байдалтай холбоотой гэж үздэг. Ямар ч төрлийн үйл явдалд зориулан хүнд бэлэглэхэд тохиромжтой. Хайртай хүмүүстээ хайр сэтгэлийн бэлэг болгон өгөхөд эсвэл бэрхшээлтэй цаг үеийг туулж буй хүнд урам зориг өгөн бэлэглэх боломжтой.

Алтанзул

Алтанзул нь гоо үзэсгэлэн болон төгс хайр дурлал, гүн гүнзгий мэдрэмжийг бэлэгддэг. Мөн хаврын улирлын эхлэлийг бэлэгдэж байдаг. Өнгө тус бүр нь бас өөр өөрийн гэсэн утгыг илэрхийлнэ.

Аль өнгийн төрлийг хэнд өгөх нь тохиромжтой вэ?

• Улаан алтанзул: Хайртай хүндээ
• Ягаан алтанзул: Хайртай ээж, найз нөхөд.
• Шар алтанзул: Аз жаргал, эрч хүч өгөх найз нөхөд эсвэл хамтран ажиллагсдадаа илгээх.

Далиа цэцэг (Dahlia)

Хүч болон сэтгэлийн тэнхээтэй байдлыг илэрхийлнэ. Түүнийгээ дагаад амжилтыг бэлэгддэг байна. Хэнд өгөх нь тохиромжтой вэ?

• Тууштай, амжилттай хүмүүст.
• Шинийг санаачлагч, хүнд сорилтуудыг даван туулж байгаа хүмүүст
• Сургууль төгссөн болон карьерын амжилтаа эхэлж буй хүмүүст

Лаванда цэцэг

Лаванда нь амар амгалан, сэтгэл санааны тогтвортой, тайван байдлыг илэрхийлдэг. Энэ нь түүний  сэтгэл санааг тайвшруулам, өвөрмөц үнэртэй холбоотой байдаг байна. Хэнд өгөх нь тохиромжтой вэ?

• Хайртай дотнын хүндээ.
• Стрессдэж буй хүмүүс эсвэл эмчилгээ хийлгэж буй хүмүүст.

Carnation цэцэг

Хайр, хүндлэл болон талархлыг илэрхийлдэг. Олон төрлийн өнгө тус бүр нь хэнд өгвөл зохих талаар бэлэгдсэн байдаг. Жишээ нь;

• Улаан: Хайр сэтгэлийн холбоотой хүн
• Ягаан: Ээж, найз нөхөд, талархал илэрхийлэх хүндээ.
• Цагаан: Амжилт болон дэмжлэг илэрхийлэх хүндээ..

Астер цэцэг (Aster)

Энэ цэцэг нь мэргэн ухаан, тэвчээр болон хайрыг илэрхийлдэг. Тийм учраас  хүндлэл, магтаалын илэрхийлэл болж байдаг. Хэнд өгвөл тохиромжтой вэ?

• Сурган хүмүүжүүлэгчид, багш нар.
• Эрдэм мэдлэгтэй гэж бодсон хүндээ.

Хризантем цэцэг (Chrysanthemum)

Урт удаан амьдрал, аз жаргалыг байдлыг илэрхийлдэг. Мөн олон улсын соёлд энэ цэцэг нь сэтгэл ханамж болон хүндлэлтэй холбоотой гэж үзэх нь бий. Хэнд өгвөл тохиромжтой вэ?

• Эцэг эх, өвөө эмээ болон ахмад настай хүмүүст өгөхөд тохиромжтой.

Orchid цэцэг

Тансаг байдал, гоо үзэсгэлэн болон хүч чадлыг илэрхийлдэг. Мөн хайр, хүндлэлтэй холбоотой. Хэнд өгвөл тохиромжтой вэ?

• Сэтгэлтэй эмэгтэйдээ эсвэл дотны найз нөхдөдөө.
• Тэмдэглэлт үйл явдал болон хүндэтгэлийн өдөр гол хүнд.