Засаг захиргаа, нутаг дэвсгэрийн нэгж, түүний удирдлагын тухай хуулийн дагуу сумын Засаг даргыг томилсноор багийн Засаг дарга нарыг шинээр сонгодог. Энэ дагуу Хэрлэн сумын багуудын ИНХ-ын зөвлөлийн шийдвэрээр дөрвөн баг засаг даргаа шинээр тодрууллаа.
Хуралдааны товын талаар аймаг, сумын засаг дарга нар хууль зөрчсөн эсэх талаар маргалдаж, бичиг цаас шидэлцсэн ч өчигдөр орой сумын Засаг дарга, сумын МАН-ын дарга нар зөвшилцөж, өнөөдөр зөвхөн 3, 10-р багийн хурлыг хийхээр шийдвэрлэсэн юм.
Хэрлэн сумын 3-р багийн ИНХ-ын хуралдаан даргалагчаар, өмнө нь багийн засаг даргаар ажиллаж байсан А.Нарангэрэлийг, 3-р багийн засаг даргаар, өмнө нь сумын ЗДТГ-ын мэргэжилтнээр ажиллаж байсан А.Бат-Оргил нарыг сонгожээ.
Хэрлэн сумын 10-р багийн ИНХ-ын хуралдаан даргалагчаар тус багийн иргэн П.Мөнхзулыг, 10-р багийн засаг даргаар Р.Жаргалсайханыг улираан сонгожээ.
Ийнхүү Хэрлэн сумын 3, 5, 8, 10-р багууд засаг даргаа томилж, Хэрлэн сумын Засаг даргад өргөн мэдүүлээд байгаа бол 1,2,4,6,7,9,11-р багийн хурлууд ирэх бямба гарагт буюу 2-р сарын 22-нд болох юм.
Сэтгэгдэл бичих